ano ba ang "Bro Code"?
Sino ba si Bro? Si DaVinci ba may gawa nito? O si Dan Brown?
Una, di "BRO" ni Santino ang tinutukoy dito. Ibang Bro yun, mas powerful siya. Ang bro ay ginagamit na pantukoy ng mga kalalakihan sa kanilang mga tropa, barkada, kaibigan, o kainumang mga lalake rin. Basta patas at pantay na turingan sa isang kapwa kaibigang lalake.
Ano yung "Code"?
Okey, hindi si Da Vinci o si Dan Brown din ang may gawa nito. Sa katunayan, walang nakakaalam ng kung sino man ang may gawa nito, o kung sino ang nagpasimuno neto. Pero malaki ang tantsya ko na lalake ang may pakana neto.
Ano ba ang meron sa Bro Code?
Marami. Ako man ay di gaano karami ang alam ko, pero malamang ay marami rin ang mas madadagdag pa dito. Kilala rin ito bilang "Gentleman's Agreement", o "Usapang lalake".
Isa sa mga pinakapopular na "batas" sa "Bro Code" ay:
:"Ang kay Juan, ay kay Juan. Ang kay Pedro, ay kay Pedro."
Kung ano man ang pag-aari ng isa, wag mo nang angkinin. Wag mang torotot. Wag manulot. Wag mang-agaw. Hanap ka ng para sa iyo. Touch move. Wag matigas ang ulo.
Tablahin mo na ang lahat, wag lang ang katropa mo.
For example, Si Boy 1 ay naging type si Girl, di na dapat pumorma ang kaibigan ni boy 1 na si Boy 2. Lalo na, kapag nanligaw na si Boy 1 kay Girl. At mas lalo na kapag naging sila na talaga. At kung minsan pa, ay may extension ang bisa neto. Dahil sa mga ibang sitwasyon, kahit break na si Boy 1 at Girl, ay di pa rin magandang pormahan ni Boy 2 si Girl, lalo na kung panget ang break-up.
Anong maaaring mangyari? Bukod sa sakitan ng katawan, ay sakitan ng damdamin at maaaring ma peligro ang pagkakaibigan ni Boy1 at Boy2.
Eh pano kung nagkasabay ng di sadya manligaw, tapos nagkasundo sa "May the best man win?"
Pwedeng sundin ito, kung maayos ang paguusap ng 2 magka BRO. At kung alam din ng Girl na may ganitong paguusap upang di niya maisip na siya ay napagpupustahan lang (Oo, parang sa pelikula lang). Dito maaaring mag exception sa Bro Code. Pero kung maaaring iwasan, ay iwasan. Dahil naman, marami pang babae riyan sa tabi-tabi.
Papano kung ang palay na ang lumapit sa manok? At gusto ko ring tumuka?
Eh kung gustong magpatuka at gusto mo ring tumuka, eh maaaring sabihin mo sa Bro mo ang sitwasyon. Dahil kung magka Bro nga talaga kayo, maiintindihan niya ang sitwasyon. Kapag di mo naman sinabi at feeling mo eh wala na siya sa mga balak mo gawin at "Past is Past.", eh di sige, tuka ka lang. Basta tantyahin mo kung ayos nga lang ba talaga sa Bro mo ang ganung tukaan.
Eh ang labo mo pala eh. May personal na kwento ka ba?
Mayroon. Di ko alam kung ilang beses na. Joke. Pero may ikkwento ako, atin-atin lang, siketo ito. Nangyari ito nung hayskul. Di na ako magbabanggit ng mga pangalan para peace pa rin kaming lahat. hehe.
Si Boy 1, na aking bro, ay pinopormahan si Girl. Ayos na silang dalawa, at nagkakapalagayan na ng loob sa isat-isa. Kulang na lang ay "OO". Kaibigan ko si Girl, at malapit ako sa dalawa. Isang araw, na minsan ay napapagsisihan ko, nagkausap kami ni Girl, at sa kinadami-dami kong sasabihin at aaminin, ay nabanggit ko na siya rin ay lihim kong gusto, at bilang pag"HONOR" sa BRO Code, ay pinaubaya ko na kay Boy 1 ang pagligaw at ako'y nagbigay na ng daan.
Bakit ko sinabi ito? Bilang pagiging tapat, at kumbaga para ilibing na ng buhay ang pagtingin ko sa kanya dahil nalalapit na ang kanilang "pagsasama".
At sa di ko inaaasahang pagkakataon, ako'y gusto rin pala ni Girl. Ka-shock!
At ang sumunod na nangyari? Di na sinagot ni Girl si Boy1, at nabaling ang atensyon ni Girl sa akin. Inamin ko kay Boy1 ang nangyari, at tila gera ang nangyari sa aming dalawa.
Anong nangyari? Ni isa sa aming mag BRO ang napasagot si Girl. Ayos na kami ni Boy1 hanggang ngayon, pero kakaibang tensyon at drama muna ang mga naganap.
So, ayan ang isang eksena na maaaring mangyari kapag nilabag ang BRO CODE.
Magbabalik muli ang Bro Code. Commercial muna!
Abangan:
MAAARI BANG IAPPLY ANG BRO CODE SA MGA BABAE?
